Aire libre: rutas, xogos e ocio alternativo

Talleres organizados co obxectivo de que toda a familia conecte coa contorna natural e se beneficie do exercicio físico en plena natureza. 

Planificamos caminatas por rutas acondicionadas, adecuadas para toda a familia, onde todos poden desfrutar da beleza que nos rodea. As rutas  poden ir acompañadas de actividades como magostos, visitas guiadas a distintos lugares con diferentes temáticas, talleres de artesanía, etc.

Ao aire libre tamén realizamos olimpiadas de xogos tradicionais, nas que se coopera con outras familias; e xornadas de busca do tesouro, nas que colaborar en equipo é indispensable para ser a familia gañadora. 

Máis que rutas: natureza e talleres creativos

Con esta actividade exploraremos lugares máxicos e de gran beleza, nos que gozar e conectar co noso patrimonio natural. Ademais, descubriremos moitas curiosidades ligadas á contorna que nos atoparemos nos sendeiros: plantas, fungos, animais, historia, lendas...

As rutas combínanse con actividades como magostos, visitas guiadas a distintos lugares con diferentes temáticas, talleres de artesanía, etc.

As rutas a pé en familia teñen múltiples beneficios: conexión coa natureza, exercicio, tempo en familia fora da rutina... A nivel emocional, o sendeirismo relaxa a mente e reduce o estrés, e cando se fai en familia axuda a elevar e consolidar os lazos afectivos dos seus membros. 

As rutas son de dificultade baixa, adaptadas a tódolos ritmos e idades, para que as disfruten maiores e pequenos.

facebook xanzá
Xanzá Movemento eco-creativo
Teléfono de contacto: 698 19 28 29