• Laura Martínez Rey

Re-Moverte: un camiño para medrar

Updated: Feb 27, 2019

Re-Moverte é un espazo de crecemento persoal dende o que explorar novos camiños para REencontrarte, REcoñecerte, REdescubrirte e REciclarte.


Propoño un lugar dende o que promover un estilo de vida saudable a nivel psíquico, físico, emocional e social, a través da creatividade, a emoción e o movemento. Aquí atoparás ferramentas creativas, coñecementos básicos, reflexións, talleres e cursos, para adultos, menores e familias; para mellorar a túa calidade de vida, coidando e integrando corpo e mente, conectando co teu interior, sentíndote en equilibrio contigo mesm@ e coa túa contorna.



Por que Re-Moverte?


RE-MOVERTE para sentir, conectar coas túas emocións, axudar a emerxer sentimentos, xestionar vivencias, avanzar no teu camiño.


RE-MOVERTE para explorar e estimular as túas capacidades e habilidades, descubrirte, verte, recoñecerte, valorarte, quererte.


RE-MOVERTE para observar e observarte, reflexionar, valorar, tomar decisións.


RE-MOVERTE para facerte consciente das túas necesidades e poder responder a elas.


RE-MOVERTE para explorar novas maneiras de relacionarte, convivir, educar, ser, vivir ou gozar; reciclarte para nunca deixar de crecer.


RE-MOVERTE para pararte a respirar, escoitarte, relaxarte, reducindo estados de ansiedade e estrés.


RE-MOVERTE para centrarte no “aquí e agora”, permitíndote desfrutar de cada momento, estando “presente no presente”.


RE-MOVERTE para conectar corpo e mente, viaxar ó teu interior, reencontrarte contigo, dedicarte un tempo para ti.


Descubre este espazo para o crecemento integral, tanto para ti como para compartir coa túa familia.


O movemento, un elemento esencial para o desenvolvemento emocional e social das persoas, é parte fundamental de nós, o que somos, o que pensamos, o que sentimos, o que loitamos, o que gozamos... O noso corpo é unha gran fonte de memoria na que permanecen as nosas vivencias, recoñece situacións vividas no pasado cando de novo detecta que se enfronta a algo similar, reaccionando de múltiples xeitos: confianza, precaución, tensión, ilusión, etc. A maneira na que o movemos, as súas formas e a súa situación no espazo, reflicten as nosas emocións, vivencias, necesidades, personalidade..., constituíndo unha gran vía de expresión, xestión e intervención.


Permitirnos ser libres para explorar, crear, imaxinar, compartir, intercambiar, expresarnos, movernos, conectarnos, respirar, sentir, pensar, reflexionar...fainos medrar dun xeito diferente e global.

Cando as palabras parece que non son suficientes, o movemento axúdanos a conectar co noso interior, coas nosas emocións, transformándoas en experiencias conscientes que se van expresando gradualmente, axudándonos a poñer nome ós sentimentos. O movemento permítenos sentir, vivenciar e reforzar habilidades socio-emocionais e de comunicación, crecendo como persoas ou como grupo.


Como persoa, nai, educadora social e danza movemento terapeuta, considero a presenza do corpo un aspecto fundamental nos procesos de crecemento así coma unha vía marabillosa e complementaria como terapia e na educación.


Permitirnos ser libres para explorar, crear, imaxinar, compartir, intercambiar, expresarnos, movernos, conectarnos, respirar, sentir, pensar, reflexionar... fainos medrar dun xeito diferente e global.


RE-MOVERTE está dirixido a persoas de todas as idades e a familias. Aquí poderás atopar:

· Artigos informativos, educativos e formativos.

· Técnicas e exercicios para adultos, menores e familias.

· Reflexións e vivencias.

· Información sobre os meus servizos, talleres e cursos.


Un pouco acerca de mín...

Educadora Social (Universidade de Santiago de Compostela, USC)

Danza Movemento Terapeuta (Máster da Universitat Autònoma de Barcelona, UAB)

Membro Titular Rexistrado da ADMTE (“Asociación de Danza Movimiento Terapia Española”)

Máster de Intervención na Discapacidade e na Dependencia ( Universidade da Coruña, UDC)

Monitora no Método de Psicoballet (Fundación Maite León, Madrid)

facebook xanzá
Xanzá Movemento eco-creativo
Teléfono de contacto: 698 19 28 29