Risoterapia

A Risoterapia é unha psicoterapia practicada en grupo que consiste na práctica de exercer a risa a vontade para aproveitar o seus múltiples beneficios anímicos e de saúde, a través de variadas técnicas de expresión corporal, xogo, creatividade, relaxación, etc.

Entre todas as persoas do grupo crearemos un ambiente de confianza no que deixarnos levar, divertirnos, comunicarnos e compartir moitas risadas.

 A través da palabra, a expresión corporal, o teatro, o xogo, as miradas, a respiración, os xestos... desconectaremos da vida cotiá e nos relaxaremos, recibindo múltiples beneficios a través dun elemento tan natural como é a risa.

​

INTEGRACIÓN PSICO-FÍSICA E CRECEMENTO PERSOAL

As persoas que introducen a risoterapia nas súas vidas atopan que os seus problemas, e tamén a súa dor, perden peso e importancia na súa vida gracias á risa, que as sitúa inmediatamente nun novo estado de ánimo, lonxe da negatividade. Especialmente no caso das persoas maiores, que experimentan máis problemas psíquicos e físicos, a risoterapia é unha medicina complementaria que as poden axudar a manter un bo estado de saúde e de ánimo. Os exercicios son de baixo impacto, e o seu enfoque único ofrece unha metodoloxía que pode adaptarse sen problema a tódolos niveles cognitivos, sensoriais e de habilidades motrices. E o mellor: é divertido! 

 

Beneficios da Risoterapia

Felicidade: Liberamos endorfinas e aumentamos a produción de serotonina. Reducimos a ansiedade e o estrés.

Reducimos a tensión na columna vertebral e as cervicais.

Entra o dobre de aire nos pulmóns e a pel osixénase máis.

Coas bágoas limpamos os ollos. A vibración da cabeza despéxanos nariz e oído.

Mellora a nosa tensión arterial e os procesos asociados. 

Poñemos en marcha uns 400 músculos.

Potenciamos a nosa creatividade e imaxinación.

Melloramos a nosa autoestima e confianza en nós mesmos/as, aprendemos a deshinibirnos e a exteriorizar as nosas emocións.